პირველმა რუსულმა კოლონამ 62-ე ბაზა დატოვა
03.05.06 10:09
გვიან ღამით ახალქალაქის 62-ე რუსული სამხედრო ბაზა დატოვა პირველმა სამხედრო კოლონამ, რომელიც წალკაში გაემგზავრა, სადაც კოლონას შემდგომი ტრანსპორტირებისთვის სარკინიგზო შემადგენლობაზე დატვირთავენ.

გვიან ღამით განხორციელებული ოპერაციის ძირითადი მიზეზი ის იყო, რომ თავიდან აეცილებინათ ნებისმიერი პროვოკაცია; ოფიციალური ინფორმაციით პირველი ეშელონი წალკიდან 15 მაისს გავა.

დღესვე მოგვიანებით ახალქალაქის ადგილობრივი მოსახლეობა ბაზის გაყვანის პროცესის დაწყების წინააღმდეგ საპროტესტო აქციის დაწყებას გეგმავს.

რამდენიმე დღის წინ საქართველოს თავდაცვის მინისტრმა ირაკლი ოქრუაშვილმა განაცხადა, რომ 3 მაისს იგეგმება დიდი აქცია, რომლის მიზანიცაა ხელი შეუშალოს გაყვანის პირველ ეტაპს და ამ აქციის ორგანიზატორები ეფესბე-ს თანამშრომლები არიან.