საქართველოს სოფლის მეურნეობის მინისტრის მიხეილ სვიმონიშვილის განცხადებით, მაისში თურქეთისა და საქართველოს მთავრობებს შორის დაიწყება მოლაპარაკება ქართული ღვინის ექსპორტისათვის შეღავათიანი საბაჟო რეჟიმის დაწესების შესახებ. 'რუსთავი 2'-თან ინტერვიუში სვიმონიშვილმა განაცხადა, რომ იმპორტის მოცულობის შესახებ მოლაპარაკება მალე დაიწყება. 'წინასწარი კონკრეტული მოლაპარაკება შეღავათიანი საბაჟო რეჟიმის შესახებ უკვე დაწყებულია. თურქეთის დელეგაცია თბილისში მალე ჩამოვა და ამის შემდეგ საქართველოს ეკონომიკის განვითარების სამინისტროში გაიმართება შეხვედრა, სადაც კონკრეტული მოცულობების კვოტასა და შეღავათიანი საბაჟო რეჟიმის დაწყების თარიღს დაადგენენ,' - აღნიშნა სვიმონიშვილმა. სვიმონიშვილმა ასევე განაცხადა, რომ საქართველოს ხელისუფლებამ ევროკავშირთან ქართული ღვინის ექსპორტთან დაკავშირებით ასეთივე შეღავათების შესახებ დაიწყო მოლაპარაკება.
| 
